Қазақстанда коронавирус жұқтырғандар саны артты
2 науқас жасанды тыныс алу аппаратына қосылған
Фото: who.int
Қазақстанда бір тәулікте коронавирус инфекциясы 231 адамнан анықталды, деп хабарлады денсаулық сақтау министрлігі.
Қайтыс болғандар тіркелген жоқ.
Бір күн бұрын 175 адам коронавирус инфекциясын жұқтырды.
28 желтоқсандағы мәлімет бойынша, 2 621 адам коронавирус инфекциясынан емделіп жатыр.
Олардың ішінде 282 пациент стационарда, 2 339 науқас амбулаториялық деңгейде ем қабылдап жатыр.
Коронавирус инфекциясы анықталғандар арасында 8 адамның жағдайы ауыр, 6 пациенттің жағдайын дәрігерлер өте ауыр деп бағалады.
2 науқас жасанды тыныс алу аппаратына қосылған.
