Алтай мен Риддер қаласында қатты аяздан сабақ тоқтатылды
ШҚО-да екі қаланың оқушылары қашықтан оқиды
фото: Halyq Uni
Шығыс Қазақстан облысының Алтай және Риддер қалаларында кейбір сыныптарда сабақ тоқтатылды. ШҚО төтенше жағдайлар департаментінің баспасөз қызметі аяз салдарынан мектеп оқушылары қашықтан оқитынын хабарлады.
Алтай қаласында -29 градус аязға байланысты бірінші ауысымның 1-4 сыныптары қашықтан оқытуға көшірілді.
Риддерде -26 градус аяз. Бірінші ауысымның 1-9 сыныптары қашықтан оқытылады.
Бұған дейін «Қазгидромет» алдағы үш күнде еліміздің кейбір өңірлерінде -29 градусқа дейін аяз болатынын хабарлаған еді.
