Елімізде қазан айындағы жағдай бойынша тұтынушылардың коммуналдық қызмет үшін 14 млрд теңгеге жуық қарызы бар деп мәлімдеді премьер-министрдің бірінші орынбасары Роман Скляр.

Қазан айындағы жағдай бойынша тұтынушылардың коммуналдық қызмет үшін қарызы 13,7 млрд теңгені құрайды, - деді ол Мәжіліс депутаты Бекқали Торғаевтың сауалына берген жауабында.

Сондай-ақ Роман Скляр ЖЭС пен жылу желілерінің жылу беру маусымына дайындығы туралы негізгі мәліметтерді айтты. Ал бұған дейін ол Қазақстандағы ЖЭС-тің 76 пайызы 50 жылдан аса жұмыс істегенін, жабдықтардың орташа тозуы 66 пайыз болатынын айтқан еді.