Қазақстан футбол федерациясы ұлттық құрама команданың Ұлттар лигасындағы матчтарынан қанша еуро сыйақы тапқанын жариялады.

Ұлттық құрама команданың Ұлттар лигасына қатысқаны үшін берілетін сыйақылар ҚФФ бюджетіне түскен.

Қазақстан футбол федерациясы УЕФА-мен келісімшарты бойынша Ұлттар лигасына қатысқаны үшін 1,125 млн еуро алды. Ол ақшалар құрамамыздың дайындығына кетті, - делінген ҚФФ таратқан мәлімдемеде. 

Ал Ұлттар лигасында жақсы ойын өрнегін көрсеткені үшін құрама команда әлі қосымша сыйақы алмаған. Сондықтан федерация енді УЕФА-дан нақты қанша ақша алатынын айтпады. 

Магомед Адиевтің бастамасымен Қазақстан құрамасы С дивизионында жеңіске жетіп, В дивизионына көтерілді.