Ақтөбеде тергеу изоляторының бастығы сотталушыны камерадан казармаға ауыстырғаны үшін 450 мың теңге көлемінде пара алғаны үшін сотталды деп хабарлады Halyq Uni тілшісі.

Ақтөбе қалалық №2 соты баспасөз қызметінің мәліметінше, сотпен биыл 7 қыркүйекте Ә. есімді азамат Ақтөбе облысы бойынша ҚАЖД КА-168/3 мекемесінің бастығы бола тұра, сотталушы Д.-ны жазасын өтеу үшін камералық үлгідегі үй-жайдан казармаға ауыстыру және болашақта жұмыспен қамтамасыз ету үшін 450 мың теңге ақша-қаражатын алғаны анықталған.

Сот отырысы кезінде сотталушы кінәсін толық мойындады.

Оған 3 жылға бас бостандығынан айыру жазасы тағайындалып, өмір бойы мемлекеттік қызметте жұмыс істеу құқығынан айырылды.

Сот үкімі заңды күшіне енген жоқ.