Жетісулық азамат есектің кесірінен қаза тапты
Жануардың иесі әлі анықталған жоқ
Фото: ашық дереккөз
Жетісуда есектің кесірінен қайғылы жол апаты болды деп хабарлады Halyq Uni тілшісі.
Полиция қызметкерлерінің мәліметінше, жол апаты кеше, 6 қазан күні кешке «Батыс Қытай-Батыс Еуропа» тас жолының 275-шақырымында болған. Audi A4 көлігі жолға шығып кеткен есекке соқтығысқан.
Жол-көлік оқиғасы салдарынан 21 жастағы жүргізуші көз жұмды. Сондай-ақ екі адам ауруханаға жеткізілді, – деді ЖПҚБ ППБ қызметінің инспекторы Бауыржан Бейсебаев.
Тергеу ҚР Қылмыстық кодексінің 345-бабы 3-бөлігі бойынша жүргізіліп жатыр. Жануардың иесі әлі анықталған жоқ.
