×

Мобилизация: Саратовтағы қазақтар жаппай соғысқа аттанып жатыр

Соғысқа шақырылған 450 адамның 3-еуі ғана орыс болып шыққан

 Халық үні 02.10.2022 | 23:53
Фото: 9111.ru

Саратовтың қазағы өз жеріндегі мобилизация қалай өтіп жатқаны туралы айтып берді. Тыңдап отырып, жүрегім ауырды…

Гай Александров атты елдімекенде орыстар мен қазақтардың үлесі теңдей екен. 50:50 деуге негіз бар. Мобилизация басталғанда, екі жақтан да теңдей адам алынады деген логикалары «сынып» қалыпты.

Гайлықтардан 450 адам соғысқа алынған. Нешеуі орыс деп ойлайсыздар?

225 адам?

25 адам?

3 адам!

450-ден тек үшеуі ғана орыстан алынған! Сенесіздер ме? 447-сі қазақтар! Әскерде болып келген Володя әлі ішіп, шалқып жүр екен. Оған «повестка» келмеген. Ал өмірі әскерде болмаған, заң бойынша ішінара мобилизацияға жатпайтын механизатор, тракторист, ветеренар Бақыт, Мұрат, Арманның бәрін бір күнде жинап, аттандырып жіберген.

9000 адамы бар осы селодан бір-екі жігіт қана Қазақстандағы туыстарына кетіпті. Ал қалғандарының көбі: «Сатқын болмаймыз, Отанымызды қорғаймыз» деп, отар-отар қой секілді кете беруге әзір. Қандай аянышты. Сарытауын емес, өзге елдің территориясында бір алжыған шалдың сасық көкірегін қорғаймын деп күлі көкке ұшарын ойлауға қауқарсыз. Өздерін оқты азайтар «пушечное мясо», әрі жерін қазақтардан (ингуштан, татардан, буряттан) оңай тазартар құрал ретінде аяусыз қолданып жатқанын ұғынуға дәрменсіз.

Кезінде Қытайға өткен атажұртында бірер жыл бұрын қамалып, қырылған қазақтардан еш айырмашылығы болмай тұр. Әдіс әртүрлі. Нәтиже бір. Авторитарлы, қылышынан қан тамған жерде қазақтың болашағы жоқ. Ол жерлер енді тарихи отанына орала ма, жоқ па, беймәлім. Жеті атасының мазары жатқан, өзі туып-өскен жерін қимайды, әрине. Бірақ өзін сақтағысы келген, ұрпағын өрбіткісі келген қазақтар Қазақстанға оралмаса, ол жақта құрып-жойылары немесе атын, жөнін, ділін, тілін, дінін сатып, толық ассимиляцияға түсіп кетері анық екен…

Abai.kz

Серіктес жаңалықтары

Сараптама

«Біртановқа жаныңыз ашымай ма?»: Ажар Ғиният сотталған экс-министрге қатысты сұраққа жауап берді

Сот шешімімен экс-министр Елжан Біртанов 5 жылға сотталған еді
02.12.2022 | 14:22

Министрлер бірқатар балалар басылымына жазылды

Асхат Аймағамбетов мұғалімдерді газетке жазылуға міндеттегендер әкімшілік жауапқа тартылатынын ескертті
02.12.2022 | 14:13

Кәсіпкер проблемаға мүлдем мән бермеген – Екібастұздың экс-әкімі

Қаланың бұрынғы басшысы елді дүрліктірген жағдайға пікір білдірді
02.12.2022 | 14:02

Шымкент дәмханасында Нигерия азаматын ұрған қазақстандық ұсталды

Түлкібас тұрғынына қатысты сотқа дейінгі тергеу басталды
02.12.2022 | 13:46