Елордада Рим папасы Францисктің қатысуымен месса өтіп жатыр, деп хабарлайды Halyq Uni тілшісі.

Діни рәсім Әлемдік және дәстүрлі діндер лидерлерінің VII съезі аясында жоспарланған маңызды іс-шараның бірі болып саналады. Рәсім барысында діни әндер айтылып, дұғалар оқылады.

Католиктердің сенімі бойынша мессаның орындалу сәті — Құдайдан тілек тілеуге ең қолайлы уақыт.

Іс-шара ЭКСПО павильоны маңында өтуде. Қатысушыларды тіркеу 1-11 қыркүйек аралығында жүргізілген.

Еске салайық, Қазақстанда алғашқы мессаны Рим папасы ІІ Иоан Павел 2001 жылғы 22 қыркүйекте өткізген еді. Оған Қазақстанның түкпір-түкпірінен және шет мемлекеттерден келген 35 мың католик қатысқан.

Осыған дейін Нұр-Сұлтанда діндер съезі бір минут үнсіздікпен басталғаны хабарланған еді.