Украина президенті Владимир Зеленский Қырым тұрғындарын ресейлік әскери нысандарға жақындамауға шақырды. Өйткені оларда тағы да жарылыс болуы мүмкін.

Ал Ресей Қорғаныс министрлігі кеше Джанкой ауданының Майское ауылы маңындағы қару-жарақ қоймасында болған жарылыстарды «қаскүнемдік» деп атады.

Қазір сол оқиғалар салдарынан теміржол зақымданып, Қырымда пойыздар тоқтаған. Сондай-ақ электр станциясы істен шығып, үйлер қирап, база маңынан 2 мыңдай адам қауіпсіз жерге көшіріліп отыр.

Еске сала кетсек, өткен аптада Қырымдағы Ресейдің «Саки» аэродромында болған бірнеше жарылыстан 11 әскери ұшақ жойылған болатын.