Қазақстанда 45 мың доллар тұратын 50 мың тонна бензинді Өзбекстанға заңсыз сатпақ болған күдіктілер анықталды, деп хабарлайды Қаржылық мониторинг агенттігі.

Агенттіктің Павлодар облысы бойынша департаменті жедел-іздестіру іс-шаралары барысында АИ-95 маркалы бензинді ел аумағынан заңсыз әкету әрекетінің жолын кесті.

Көлемі 280 тонна, құны шамамен 90 млн теңген болатын жанармай құйылған 5 вагон-цистерна тәркіленді. Олар бензинді жанармай қоспасы деген желеумен Өзбекстанға алып кетпек болған.

Сараптама нәтижесінде темір жол цистерналарынан алынған сынамалар К-4 экологиялық класындағы АИ-95 бензин екені анықталды.

Келісім шарт бойынша шетел компаниясының пайдасына Қазақстаннан жалпы сомасы 45 млн доллар болатын 50 мың тонна бензин экспорттау жоспарланған. Тергеу жалғасып жатыр, - деп жазылған хабарламада.

Тергеу мүддесіне сәйкес басқа ақпарат жарияланбайды.