Бұған дейін Ұлттық экономика министрі де бұл сұраққа жауап берген
Энергетика министрі Мағзұм Мырзағалиев отбасының азық-түлікке айына қанша қаражат жұмсайтынын айтып берді.
Біз де қарапайым халық сияқты өмір сүреміз. Отбасым азық-түлікке ел қатарлы ақша жұмсайды. Әрине, бізге айына 50 мың теңге аздық етеді, шамамен 200 мың теңге жұмсаймыз, - деді министр Сенат кулуарында журналистерге берген сұхбатында.
Еске салайық, Мағзұм Мырзағалиев 9 қыркүйекте Энергетика министрі болып тағайындалды. Ашық дереккөздерде Энергетика министрінің отбасында 5 бала бары жазылған.
Бұған дейін Ұлттық экономика министрі Әсет Ерғалиев азық-түлікке айына шамамен 50-60 мың теңге жұмсайтынын айтқан еді.