Одан бөлек, Ішкі істер министрінің орынбасары – Ұлттық ұланның бас қолбасшысы тағайындалды
Мемлекет басшысының жарлығымен Мұрат Кәрібайұлы Бектанов Қорғаныс министрі лауазымынан босатылып, оның орнына Руслан Фатихұлы Жақсылықов тағайындалды.
Руслан Жақсылықов бұған дейін Ішкі істер министрінің орынбасары – Ұлттық ұланның бас қолбасшысы лауазымын атқарған.
Мемлекет басшысының өкімімен Ішкі істер министрінің орынбасары – Ұлттық ұланның бас қолбасшысы лауазымына Еркін Советбекұлы Ботақанов тағайындалды.
Руслан Жақсылықов 1966 жылы 4 наурызда Алматы облысының Қаскелен қаласында қызметшілер отбасында дүниеге келді.
I, II дәрежелі «Даңқ» орденімен, Түркия қарулы күштерінің орденімен және КСРО, ТМД, Қазақстанның 40 медалімен наградталған. Педагогика ғылымдарының кандидаты. Әскери атағы - генерал-лейтенант.