Ғылым және жоғары білім министрі Саясат Нұрбек ант берді, деп хабарлайды Halyq Unі тілшісі.

«Қазақстан халқы мен президент алдына өз Отаным Қазақстанның экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы билігін нығайта беруге салтанатты түрде ант беремін», - деді министр Үкімет отырысында.

Сондай-ақ премьер-министр Әлихан Смайылов Оқу-ағарту министрі Асхат Аймағамбетовті туған күнімен құттықтады.

Асхат Қанатұлы 40 жасқа толып отыр. Құтты болсын! - деді Үкімет басшысы.

Айта кетейік, биыл 11 маусымда Білім және ғылым министрлігі екіге бөлінді.