Қарағандыда заңсыз ойын бизнесін ұйымдастырушы сотталды
Оның банк шотына түскен қаражаттың жалпы сомасы 32 миллион теңгеден асқан
![](https://halyq-uni.kz/cache/imagine/1200/uploads/news/2024/07/10/668e0961f1068445783199.png)
Қарағандыда заңсыз ойын бизнесін ұйымдастырушы сотталды, деп хабарлады Halyq Uni тілшісі.
Қаржылық мониторинг агенттігі Қарағандыда заңсыз ойын бизнесін ұйымдастыру фактісінің жолын кесті. Тергеу барысында күдіктінің «Покер» құмар ойынын өткізу үшін жергілікті мейрамханада үй-жайды жалға алғаны, арнайы ойын үстелдерін орнатқаны, ойын фишкалары мен карталарын сатып алғаны анықталды.
Оның банк шотына түскен қаражаттың жалпы сомасы 32 миллион теңгеден асқан.
Сот үкімімен аталған азамат кінәлі деп танылып, оған 3 жыл 6 айға бас бостандығынан шартты түрде айыру жазасы тағайындалды.
ҚМА азаматтарды лудоманияға патологиялық тәуелділіктен қорғау мақсатында заңсыз ойын нүктелерін анықтау және бұғаттау жөніндегі жұмысты жалғастырады.