«ҚазМұнайГаз» АҚ бұрынғы басқарушы директоры Ибулла Сердіге іздеу жарияланды деп хабарлады Қаржы мониторингі агенттігі.

Агенттік іздеудегі адам туралы сенімді ақпаратқа ақшалай сыйақы берілетінін атап өтті.

Экс-басшы аса ірі көлемде қаржы жымқырды деген күдікке ілініп отыр.

Ведомство ол туралы қандайда бір ақпарат белгілі болса, төмендегі телефон нөмірлеріне хабарласуды сұрайды:

 +7 7172 708 478, +7 7172 767 921.

Айта кетейік, Ибулла Серді 1999 жылы Мұхаметжан Тынышпаев атындағы Қазақ көлік және коммуникация академиясын «инженер-экономист» мамандығы бойынша, сондай-ақ Қаныш Сәтбаев атындағы Қазақ ұлттық техникалық университетін «мұнай-газ ісі» мамандығы бойынша бітірген.

2003-2005 жылдары – «ИнтерГаз Орталық Азия» АҚ келісімшарттар және тендерлік рәсімдер мониторингі департаментінің бас маманы;

2006 жылдан – «Қазақстан темір жолы» АҚ сатып алуды бақылау және мониторинг бөлімі басшысының орынбасары.

2009 жылдан – «ҚазТрансГаз Аймақ» АҚ-да менеджер, бас, жетекші, маман, Маңғыстау өндірістік филиалының директоры болды.

2011 жылғы қыркүйектен – «ҚазТрансГаз Аймақ» АҚ шарттар мен бағалар мониторингі департаментінің директоры, кейін басқарушы директоры;

2013 жылғы қыркүйектен – «ҚазТрансГаз Аймақ» АҚ бас директорының орынбасары;

2014 жылғы қазаннан бастап – «ҚазТрансГаз Аймақ» АҚ бас директоры (басқарма төрағасы);

2015 жылғы шілдеден – «ҚазТрансГаз» АҚ бас директорының кеңесшісі – басқарма мүшесі;

2015 жылғы қыркүйектен – «Интергаз Орталық Азия» АҚ директорлар кеңесінің төрағасы;

2015 жылғы желтоқсаннан – «ҚазТрансГаз» АҚ бас директорының маркетинг және коммерция жөніндегі орынбасары;

2016 жылғы наурыздан – «ҚазТрансГаз» АҚ бас директорының бірінші орынбасары – басқарма мүшесі;

2016 жылғы тамыздан – «ҚазМұнайГаз» АҚ газ тасымалдау және маркетингі жөніндегі аға вице-президенті;

2017 жылғы тамыздан бастап – «ҚазМұнайГаз» АҚ газ тасымалдау және сақтау жөніндегі аға вице-президенті;

2018 жылғы маусымнан бастап – «ҚазМұнайГаз» АҚ газ тасымалдау және сақтау жөніндегі басқарушы директоры;

2020 жылғы қарашадан – «ҚазТрансГаз» АҚ басқарма төрағасының бірінші орынбасары;

«Құрмет» (2015 жылы) ордені және тағы басқа медальдармен марапатталған.