Синоптиктер 2-4 маусымға арналған ауа райы болжамын жариялады, деп хабарлайды Halyq Uni.

«Қазгидромет» дерегінше, 4 маусымға қарай солтүстік антициклон республика аумағы арқылы жылжи бастайды. Осылайша, Қазақстанда ауа температурасы айтарлықтай төмендейді.

Сондай-ақ солтүстік аймақтарда түнде және таңертең -2 градусқа дейін үсік жүруі мүмкін.

Нұр-Сұлтанда 2 маусымда күндіз +21, түнде +9 градус жылы. Жұмада күн бұлтты +20 градус, түнде 13 градус нөлден жоғары.

4 маусымда елордада жауын жауады, күндіз +20, түнде +11 градус жылы болады.

Алматыда бейсенбіде найзағай ойнап, жаңбыр жауады. Күндіз +24, түнде +16 градус. 3 маусымда да азын-аулақ жауын, күндіз +22, түнде +15 градус жылы. Сенбіде ауа температурасы +23, +15 шамасында.

Шымкентте 2 маусымда күндіз +31, түнде +18 градус жылы болады.