Атырау облысы әкімінің орынбасары Бақытгүл Хаменова мен облыстық мәдениет басқармасының басшысы Ақылбек Рысқалиевтің пара алды деген күдікпен ұсталғаны мәлім. Ол іс кеше сотқа жолданды.

Бір қызығы, 2021 жылдың 22 желтоқсанынан бері тергеу изоляторында отырған экс-шенеуніктің әкімдіктегі орны сақтаулы тұр. Лауазымынан әлі шеттетілмеген. Өз еркімен де қызметінен кету туралы өтініш жазбапты Өз еркімен де қызметінен кету туралы өтініш жазбапты.

Атырау облыстық соты баспасөз қызметінің хабарлауынша, Бақытгүл Хаменова мен Ақылбек Рысқалиевке қатысты басты сот отырысы биыл 14 маусымдағы сағат 14:45-ке тағайындалған. Айта кетсек, олар былтырғы 10 желтоқсанда Атырауда 145 миллион теңгеге Абай ескерткішін дайындау және орнату бойынша мемлекеттік сатып алу туралы келісімшарт жасағаны үшін ЖШС басшысынан 4,5 миллион теңге пара алды деген күдікпен ұсталған болатын.