Шымкенттегі дәмханалардың бірінде жалған доллар сатпақ болған ер адам сотталды
ҚМА азаматтарды сақ болуға шақырады
![](https://halyq-uni.kz/cache/imagine/1200/uploads/news/2024/02/20/65d4259925f6b719430969.png)
Қазақстан азаматы Шымкенттегі дәмханалардың бірінде жалған АҚШ долларын сатпақ болған, деп хабарлады Halyq Uni тілшісі.
Қаржылық мониторинг агенттігінің Шымкент қаласы бойынша департаменті аталған факті бойынша қылмыстық істі тергеді.
Ер-азамат 100 долларлық банкноттармен 1 мың 900 АҚШ доллары көлеміндегі жалған ақшаны сатқан кезде қылмыс үстінде ұсталды.
Сотқа дейінгі тергеу амалдары жүргізіліп, нәтижесінде сот Шымкент тұрғынын кінәлі деп танып, 5 жыл 6 айға бас бостандығынан айыру жазасын тағайындады.
ҚМА азаматтарды сақтық танытып, қолма-қол ақшаны мұқият санауға шақырады.