Іздестіру Алматыда 12 ақпанда жарияланған
Құқықтық статистика және арнайы есепке алу органдарының порталында ресейлік кәсіпкер Михаил Сутягинскийге Қазақстанда іздеу жарияланғаны хабарланған еді. Алматы қаласының ПД өкілдері мән-жайды толығырақ айтып берді.
Іздестіру Алматыда 12 ақпанда жарияланған. Бастамашы – ҚР Ішкі істер министрлігі.
Алматы қаласы полиция департаментінің өкілдері NUR.KZ тілшісіне Сутягинскийге қатысты қылмыстық істің тергеліп жатқанын айтқан.
Алматы қаласының полиция департаменті М.А. Сутягинский ісі («Адам өлтіру») бойынша ҚР ҚК 99-бабының 2-бөлігімен тергеу жүргізіп жатыр. Ол 30 қаңтарда кісі өлтіруді ұйымдастыруға қатысы бар күдікті адам деп танылды, - деп мәлімдеді қалалық ПД баспасөз қызметі.
Бүгінде ресейлік кәсіпкерге қатысты соттың сырттай «күзетпен ұстау» түріндегі бұлтартпау шарасы бекітілген.