Блокчейн технологиялары мен дата-орталықтары қауымдастығының (ҚАБТ) баспасөз қызметінің хабарлауынша, «Canaan Convey Co», цифрлық майнингке арналған заманауи жабдықтарын шығаруда әлемге танымал көшбасшылардың бірі ретінде Қазақстанда ынтымақтастығын кеңейтуде.   

Қазақстандық блокчейн технологиялар және дата-орталықтар қауымдастығының төрағасы Дәурен Қарашевтың айтуынша:

Canaan, цифрлік майнингке арналған жабдықтарды өндірушілер арасында бұрыннан бері жетекші орынға ие. Мұндай ынтымақтастық, Қауымдастық мүшелеріне және басқа да лицензиясы бар цифрлік майнерлерге, жұмыс процестерінің тиімділігін едәуір арттырудан басқа, шығындарды, соның ішінде электр энергиясын тұтынуды оңтайландыруға мүмкіндік ашатын, жабдықты сатып алуға жағдай жасайды.