Елімізде алдағы күндері ауа райы қандай болады?
Фото: oir.mobi
Синоптиктер Қазақстанда 13-15 қаңтарға арналған ауа райы болжамын ұсынды.
Метеорологтар мәліметінше, елде қалың қар жауады.
Бүгінде Ресейдің еуропалық бөлігінде айналып жүрген циклон демалыс күндері Сібірге кетер жолда Қазақстан аумағының көп бөлігін басып өтеді. Осыған байланысты республиканың басым бөлігінде дерлік боран соңы аязға ауысады.
Ауа температурасы республиканың батысында, солтүстігінде және орталығында 25-30 градус, шығысында 15-20 градус, оңтүстігінде 5-15 градус аязға дейін төмендейді, - делінген хабарламада.
