Қазақстан ұлттық құрамасының капитаны Асхат Тағыбергеннің Дания қақпасына соққан голы Еуро-2024 іріктеу турниріндегі ең көп дауыс жинап, үздік атанды.

Дауыс беру нәтижесі бойынша Асхат Тағыберген бірінші орында. Екінші және үшінші орынды Албания ұлттық құрамасының ойыншылары бөліп алды.

Қазақстандық футболшыдан бөлек Жан Випотник (Словения), Эмин Махмудов (Әзербайжан), Юнус Акгюн (Түркия), Килиан Мбаппе (Франция), Ясир Асани (Албания), Кристьян Аслани (Фарер аралдары), Букайо Сака (Англия), Сандро Вольфингер (Лихтенштейн), Леандро Троссар (Бельгия) соққан голдары да үздіктер қатарында болған еді.

Айта кетейік, Асхат Тағыберген маусым қорытындысы бойынша үздік гол авторына беретін «Пушкаш» трофейіне де үміткерлер қатарында.