Астанада өткен Түркі мемлекеттері ұйымының 10-саммиті аясында қол қойылған құжаттардың тізімі жарияланды, деп хабарлады Ақорда.

Тізім төмендегідей:

• Астана актісі;
• Түркі мемлекеттері ұйымы 10-саммитінің декларациясы;
• Өзбекстан президенті Шавкат Мирзиёевті «Түркі әлемінің ең жоғарғы орденімен» марапаттау туралы мемлекеттер басшыларының шешімі;
• Түркі әлемінің қаржы орталықтары мәртебесін беру туралы мемлекеттер басшыларының шешімі;
• Түркі ынтымақтастығы ұйымдарының жаңа туларын қабылдау туралы шешім;
• Тағайындаулар туралы мемлекеттер басшыларының шешімі;
• Экономикалық ынтымақтастық ұйымына Түркі мемлекеттері ұйымының байқаушы мәртебесін беру туралы шешім;
• 6 ақпан – Табиғи апаттар құрбандарын еске алу және Түркі мемлекеттері ұйымының ынтымақтастығы күні деп бекіту туралы шешім;
• Түркі мемлекеттері ұйымы Хатшылығының бюджетін басқару ережесі туралы шешім;
• «Түркі мемлекеттері ұйымы Тұрақты өкілдері жөніндегі ережені» әзірлеу туралы шешім;
• Түркі мемлекеттері ұйымына мүше мемлекеттердің тиісті мекемелері арасындағы метрология саласындағы ынтымақтастық туралы хаттама;
• Түркі мемлекеттері ұйымының 2023-2027 жылдарға арналған көлік байланысы бағдарламасын іске асыру жөніндегі бірлескен іс-шаралар жоспары (жол картасы).

Айта кетейік, бүгін елордада Түркі мемлекеттері ұйымының саммиті басталды. Онда Қазақстанның Палестина халқына 1 млн доллар гуманитарлық көмек беретіні белгілі болды.

Мемлекет басшысы Өзбекстан президентін «Түркі әлемінің ең жоғарғы орденімен» марапаттады.

Сондай-ақ жиында Костенко шахтасындағы апатқа байланысты Түркия президенті қазақстандықтарға көңіл айтты.