Ол халықаралық ұйымда да жұмыс істейді
Президент Қасым-Жомарт Тоқаев Мұхтар Тілеуберді мен Данат Мұсаевты жаңа қызметтерге тағайындады, деп хабарлады Ақорда.
Мемлекет басшысының жарлықтарымен: Мұхтар Бескенұлы Тілеуберді Қазақстанның Аустрия Республикасындағы төтенше және өкілетті елшісі, Қазақстанның Вена қаласындағы халықаралық ұйымдар жанындағы тұрақты өкілі лауазымына тағайындалды;
Қазақстанның Испания Корольдігіндегі төтенше және өкілетті елшісі Данат Өмірбайұлы Мұсаев Қазақстанның Андорра Князьдігіндегі төтенше және өкілетті елшісі, БҰҰ Дүниежүзілік туризм ұйымы жанындағы Қазақстанның Тұрақты өкілі қызметін қоса атқарушы болып тағайындалды.