Ұлытау облысында 5 адам қайғылы жағдайда қаза тапты

Халық үні

 Жүргізуші мен 4 жолаушы алған дене жарақаттарынан оқиға орнында қайтыс болды

Фото: baigenews.kz

Ұлытау облысында жол апатынан 5 адам қайтыс болды, деп хабарлады polisia.kz.

27 шілде сағат 15:20 шамасында Жезқазған-Қарағанды тасжолында Toyota 30 автокөлігі мен жүк көлігі соқтығысты.

Салдарынан Toyota-ның жүргізушісі мен 4 жолаушысы алған дене жарақаттарынан оқиға орнында қайтыс болды.

Аталған факті полицияда тіркеліп, тиісті сараптамалар тағайындалды. Оның қорытындысы бойынша процессуалдық шешім қабылданады.

Полиция көлік жүргізушілеріне жолдағы сақтық шараларын естен шығармауды ескертеді.