12 шілдеде Шымкентте ауа температурасы +40 градусқа дейін көтеріледі, деп хабарлады қалалық ТЖД.

Осыған байланысты Шымкент қаласы Төтенше жағдайлар департаменті ыстықта көшеде ұзақ жүрмеу керектігін есертеді. Ыстықта ұзақ жүрген адам күн мен жылу соққысын алуы мүмкін, - деп жазылған хабарламада.

Күн мен жылу соққысының жиі кездесетін белгілері:

• Бас айналуы;
• Бастың қатты ауыруы;
• Кейде жүрек айнуы және құсу;
• Көздің қараңғылануы;
• Кейбір жағдайда мұрыннан қан кету;
• Жылдам импульс;
• Ентігу.

Мұндай белгілерді байқасаңыз, шұғыл түрде медициналық көмекке жүгініңіз!

 Жылу немесе күн соққысын болдырмау үшін істеуге тиісті шаралар:

• Көшеде көп жүрмеу, физикалық белсенділікті азайту;
• Үйде болғанда терезелерді ашу, желдеткішті немесе кондиционерді пайдалану;
• Көшеге шыққанда табиғи маталардан (мақта, зығыр) ашық түсті жеңіл киім кию;
• Көшеге міндетті түрде бас киім киіп шығу (жазғы қалпақ, панама, орамал және тағы басқа), күннен қорғайтын көзілдірікті тағу, қолшатырларды пайдалану қажет;
• Көп мөлшерде сұйықтық ішу;
• Ыстықта алкогольді ішуге қатаң тыйым салынады;
• Ыстықта көп тамақ ішпеген, жеңіл тамақты тұтынған жөн;
• Күні бойы мүмкіндігінше душ қабылдау;
• Жеке және қоғамдық көліктерде сапарды шектеу немесе сапарды таңертең немесе кешке ыстықтың беті қайтқанда жоспарлау керек;
• Сіз көлікпен сапарға шықсаңыз, автомобильдің ішкі салоны өте ыстық болатынын ескеріңіз. Сондықтан көлікке отырмас бұрын алдымен барлық есікті ашыңыз немесе желдету үшін әйнектерді түсіріңіз. Ол үшін шамамен 3-4 минут жеткілікті.

Есіңізде болсын, күн немесе жылу соққысын көбінесе қарттар мен балалар алуы мүмкін.