Алматы облысындағы өртті сөндіру жалғасып жатыр, деп хабарлады Halyq Uni тілшісі.

Облыстық ТЖД баспасөз қызметінің мәліметінше, өрт сөндірушілер мен жергілікті атқарушы органдардың бірлескен күшімен Іле – Балқаш резерватынының аумағындағы өрттің жану аумағы 100 гектарға.дейін азайтылған.

ТЖД және «Іле – Балқаш» МҰБ» РММ күштерімен қолшана құралдары мен мотопомпаларды пайдалана отырып, жаяу жүріспен 5-кварталда өрт сөндіру жүргізіліп жатыр. Сондай-ақ, Бақанас орман шаруашылығы учаскелерінде өрттің өтуін болдырмау үшін орман шаруашылығы күштерімен жер жырту жүргізіліп жатыр. Елді мекендерге қауіп жоқ.

Бүгін сағат 13:40-тан бастап табиғи өртті сөндіру үшін «Қазавиақұтқару» АҚ МИ-872 тікұшағы жұмылдырылды. Қазір көлемі 21 тонна болатын 7 рет су ағызу жүзеге асырылды.

Өрт ошақтарын сөндіруге ТЖД және «Іле – Балқаш» МҰБ» РММ 70-ке жуық қызметкер және 34 техника жұмылдырылды.