Оралда жабық базар өртеніп жатыр
Оқиға орнында өрт сөндіру бөлімдерінен 23 адам 5 техникамен жұмыс істеп жатыр
фото: ашық дереккөзден
Орал қаласында «Бәйтерек» жабық базары өртеніп жатыр, деп хабарлайды облыстық төтенше жағдайлар департаменті.
Ведомство мәліметінше, оқиға 4 маусым күні Әбілқайыр хан даңғылы 80/2-мекенжайында болды.
«Сағат 22.53-те «Бәйтерек» жабық базарының сауда павильоны жанып жатқаны жөнінде хабар түскен. Оқиға орнында өрт сөндіру бөлімдерінен 23 адам 5 техникамен жұмыс істеп жатыр. Өрттің неден шыққаны, жалынның қанша аумақты шарпығаны анықталу үстінде», деп хабарлады ведомстводан.
