Қырғызстан, Тәжікстан мен Өзбекстанның делегациялары кездесті
Өзбекстан, Қырғызстан және Тәжікстанның үкіметтік делегациялары мемлекеттік шекараның түйіспелерін анықтау мәселелерін талқылады.
Бұл туралы Қырғызстан президенті әкімшілігінің ақпараттық саясат қызметі хабарлады.
Ақпаратқа сәйкес, 25-29 сәуірде Баткентте өткен келіссөздер барысында тараптар 3 елдің мемлекеттік шекараларының қиылысу нүктесін анықтау мәселесі бойынша пікір алмасты.
Басқосу қорытындысы бойынша, тараптар келесі келіссөздерді Тәжікстанда жалғастыруға келісті.