Бүгін әлеуметтік желіде видео тарады
Энергетика министрлігі әлеуметтік желіде пайда болған ведомство басшысы Алмасадам Сәтқалиевтің қызы туралы видеоға қатысты пікір білдірді.
Әлеуметтік желілерде тараған жалған ақпаратқа жауап ретінде мынаны хабарлаймыз: Энергетика министрінің қызы видеоға түскен сыныптасымен жеке қарым-қатынаста емес. Алмасадам Сәтқалиев тұңғыш президенттің туысы емес және туыстық қатынаста болмаған, - делінген Энергетика министрлігі таратқан хабарламада.
Сондай-ақ ведомство жалған ақпарат таратқандардың заңға сәйкес қылмыстық жауапкершілікке тартылатынын еске салды.