Америкалық HBO кабельдік телекомпаниясы бұл жолы Хәрри Поттердің телевизиялық нұсқасын жарыққа шығаратынын хабарлады. Бұл жаңа актерлік құраммен толыққан мүлде жаңа сериал болмақ, деп хабарлайды Halyq Uni.

Сериал Джоан К.Роулингтің кітаптарына негізделген. Әр маусым жеті кітаптың біріне негізделіп, оны аяқтау үшін 10 жыл қажет деп күтіліп отыр.

Хәрри Поттер кітаптары барлық кезеңде және көптеген елдерде ең жиі сатылатын кітаптардың бірі, қазірге дейін 600 миллионнан астам дана сатылды. Бұған дейін аталған кітаптардың негізінде Хәрри Поттердің рөлін Дэниел Рэдклифф сомдаған фильмдер түсірілді.

«Сериалда жаңа актерлік құрам болады. Көрермендер 25 жылдан астам Хәрри Поттер жанкүйерлері ұнататын фантастикалық бөлшектерге, сүйікті кейіпкерлерге және драмалық орындарға толы әлемді сезінеді», – делінген HBO жобасының хабарламасында.

Дж.К.Роулингтің өзі сериалдың бас продюсері болатындықтан, әр маусым кітаптардың мазмұнына «шынайы» сәйкес келеді деген пікір рас болуы мүмкін.

Кітаптарымның тұтастығын сақтау мен үшін өте маңызды және мен толық метрлі телехикаялар ғана қол жеткізе алатындай тереңдік пен егжей-тегжейге мүмкіндік беретін осы жаңа бейімделудің бір бөлігі болуды асыға күтемін, – деді Роулингтің өзі.

Соңғы жылдары Роулинг гендерлік сәйкестілік және трансгендер әйелдердің әйелдер кеңістігіне (дәретханалар, шешінетін бөлмелер және т.б.) қосылуы туралы көзқарасы үшін сынға ұшыраған болатын.

Кейбір Хәрри Поттердің жанкүйерлері тіпті оның атын кітаптардың мұқабасынан алып тастауға шақырды, бұл, әрине, мүмкін емес еді.

Сондай-ақ ақпан айында жарық көрген Hogwarts Legacy видео ойынына бойкот жариялауға шақырғандар қатары артты. Дегенмен ойын индустриясының веб-сайттарындағы мәліметке сәйкес, Ұлыбританияда да, Америка Құрама Штаттарында да 2023 жылдың ең көп сатылған ойындарының біріне айналды.

Хәрри Поттер кітаптарының танымалдылығы мен тартымдылығы «Хәрри Поттер және философия тасы» жарияланғаннан кейінгі 25 жыл ішінде азайған жоқ.

Қазақстанда автордың рұқсатымен «Steppe & WORLD Publishing» баспасынан Хәрри Поттер романы романы ресми түрде қазақ тіліне аударылып, сатылымға шықты.