Республикалық маңызы бар автожолдардың 5 учаскесінде жүк және қоғамдық автокөліктің қозғалысына уақытша шектеу енгізілді
Сағат 20:00-дегі ақпаратқа сәйкес 3 өңірде ауа райының қолайсыздығына байланысты республикалық маңызы бар автожолдардың 5 учаскесінде жүк және қоғамдық автокөліктің қозғалысына уақытша шектеу енгізілді, деп хабарлайды ҚазАвтожол.
Абай өңірінде «Алматы-Өскемен» тасжолының Қалбатау ауылынан Қасым Қайсенов ауылына дейінгі аралығы мен «Өскемен-Семей» тасжолының ШҚО шекарасынан Семей қаласына дейінгі аралығы жабық.
Ақтөбе облысында «Самара-Шымкент» тасжолының Ақтөбе қаласынан Қарабұтақ ауылына дейінгі аралығы мен БҚО-дан Қобда ауылына дейінгі аралығы жабық.
Шығыс Қазақстан облысында «Өскемен-Семей» тасжолының Герасимовка ауылынан Абай облысының шекарасына дейінгі аралығында қозғалыс шектелді.