Apple Қазақстанның өтінішін барынша жылдам қарастырған
Цифрлық даму, инновациялар және аэроғарыш өнеркәсібі министрі Бағдат Мусин Apple компаниясымен бірге көпшілікті алаңдатқан бір мәселені реттегенін айтты. Енді +77 және +76 халықаралық кодтардан түсетін қоңыраулар «Қазақстан» деп көрсетіледі.
Министрдің айтуынша, Apple Қазақстанның өтінішін барынша жылдам қарастырған. Сөйтіп iOS 14 қолдайтын iPhone 6 және одан кейінгі құралдардағы аталған проблема шешілді.
Бұған дейін Цифрлық даму, инновациялар және аэроғарыш өнеркәсібі министрі БҰҰ жанындағы Халықаралық электр байланыс одағы Қазақстанға жаңа +997 дэф кодын белгілегенін хабарлаған.
Кезінде КСРО тарағанда, +7 халықаралық телефон коды екі елге бірдей бекітілген болатын.
Қазақстан +997 кодын алғаннан кейін де 702 және 705 деген операторлардың кодттары өзгеріссіз қалады. Осы кодтар арқылы нөмерді актив немесе билайн екенін анықтауға болады. Яғни ұялы телефон нөмірлері +997 702 (немесе 705) деп басталады.