Ұлттық экономика министрі Әлібек Қуантыров Қазақстандағы шағын ауылдар республикалық және жергілікті бюджеттен қаржыландырыла беретінін айтты, деп хабарлады Halyq Uni тілшісі.

Оның айуынша, елімізде Ресеймен шекаралас ауылдар көп. Олар «Ауыл – ел белгісі» бағдарламасынан қаржыландырылмаса да қаңырап бос қалмайды.

Даму әлеуеті жоғары ауылдар бар, онда ауыл халқының 90%-ы тұрады. Бұл – 7 млн адам. Даму әлеуеті төмен ауылдарға да назар аударылады. Бірақ «Ауыл – ел белгісі» бағдарламасынан емес, басқа бағдарламалар есебінен, - деді Әлібек Қуантыров Үкімет отырысынан соң.

Айта кетейік, бұған дейін Қазақстанда шекара маңында орналасқан қанша ауыл бар екені айтылған еді.

Сондай-ақ халық саны 50-ге жетпейтін ауылдардың басым бөлігі солтүстік өңірлерде орналасқан.