Премьер-министр Әлихан Смайылов қазақстандықтарды Жаңа жылмен құттықтады, деп хабарлады Halyq Uni тілшісі.

Құрметті қазақстандықтар! Сіздерді жаңа 2023 жылмен шын жүректен құттықтаймын! Өткен жыл тәуелсіз еліміз үшін айтулы жыл болды. Біз дамудың жаңа кезеңіне қадам бастық. Референдум, конституциялық реформалардың басталуы, Президент сайлауы – бұлардың барлығы «Әділетті Қазақстанның» негізін қалады. 2022 жыл оңай болған жоқ. Дегенмен, ол біздің өз бірлігмізді күшейтіп, сенімімізді арттырды. Биыл бізді бұдан да ауқымды жұмыс күтіп тұр. Барлық қазақстандықтардың әл-ауқатын арттыру үшін еліміздің әлеуметтік-экономикалық даму міндеттерін іске асыру жаңа қарқынмен жалғасын табады. 2023 жыл халқымыз бен еліміз үшін өрлеу, табыс, бірлік және өркендеу жылы болсын. Қолға алған барлық істеріңіз оңға бассын. Баршаңызға мықты денсаулық, көтеріңкі көңіл-күй тілеймін. Жаңа жыл тек жақсылық әкелсін! – деді Әлихан Смайылов.

Еске сала кетсек, бұған дейін президент Қасым-Жомарт Тоқаев  Қазақстан халқын Жаңа жылмен құттықтап, үндеу жасаған болатын.