Хорватия футболдан әлем чемпионатының қола жүлдегері атанды
Әлем чемпионатының қола үшін матчында Хорватия - Марокко кездесуі 2:1 есебімен аяқталды.
Фото: tengrinews.kz
Катардағы футболдан әлем чемпионатында үшінші орын үшін матч өтті, деп хабарлады prosports.kz.
Қола жүлде үшін ойында Хорватия мен Марокко құрамалары кездесті. Есепті 7-минутта хорваттықтар ашқанымен арада екі минут өткенде марокколықтар таразы басын теңестіріп кетті.
Бірінші таймның соңында Оршич гол соғып, Хорватияға жеңіс сыйлады.
Әлем чемпионатының қола жүлде үшін матчында Хорватия - Марокко кездесуі 2:1 есебімен аяқталды.
Айта кетейік, бұған дейін Аргентина мен Франция арасындағы футболдан әлем чемпионатының финалын қашан және қайдан көруге болатынын хабарлаған болатынбыз.
