Алатау ауданының прокуратурасы мониторинг жасау арқылы «Тикток» әлеуметтік желісінде 7-10 жасар аралығындағы жас қыздардың анықталмаған тұлғамен хат алмасып, ойға келмейтін тақырыптарды талқылау фактілерін анықтады.Бұл туралы Алматы қаласы прокуратурасы хабарлады.

Ведомствоның хабарлауынша, бұл факт бойынша Ақтөбе облысының 27 жастағы тұрғынына қатысты қылмыстық іс қозғалды, ол сыйақы үшін телефон арқылы хат алмасу кезінде балалардан жалаңаш суреттерін жіберуін сұраған, бұл туралы ата-аналарына айтпауды өтінген. Сонымен қатар ол осы фотосуреттерді шетелдік әлеуметтік желілерге орналастырған.

«Күдіктінің іс-әрекеттері кәмелетке толмағандардың порнографиялық бейнелері бар материалдарды дайындау және айналымға салу– ҚР ҚК-нің 312-бабының 3-бөлігі 2-тармағы бойынша алдын ала анықталған. Қазір күдікті ұсталып, тергеу изоляторына қамалды, оған 10 жылдан 15 жылға дейін бас бостандығынан айырылу жазасы төніп тұр», - делінген хабарламада.

Іс бойынша процессуалды прокурор тағайындалды және қажетті тергеу әрекеттері жүргізілуде.