Оның кінәсі сотта шешіледі
Сыбайлас жемқорлыққа қарсы қызмет «Астана-Зеленстрой» ЖШС-нің бас директоры Айбар Наурызәліге қатысты пара алу фактісі бойынша қылмыстық істі тергеуді аяқтады.
Наурызәлі 2 қыркүйек күні «Табиғат НС Сервис» ЖШС-нің директоры С. Карловадан Астана қаласының Алматы және Есіл аудандарын көгалдандыру бойынша Мемлекеттік сатып алу туралы шарттары негізінде орындалған жұмыстар актілеріне кедергісіз қол қойғаны үшін 9 млн теңге сомасында ақшалай қаражат алды деген күдікке ілігіп отыр, – делінген хабарламада.
Наурызәліге тағылған айыптар арнаулы жедел іздестіру іс-шарасы, жасырын тергеу әрекеттерінің материалдарымен, куәгерлердің айғақтарымен және басқа да материалдармен расталады.
Айбар Наурызәліні ҚР ҚПК-нің 128-бабы тәртібінде процестік ұстау кінәні толық мойындауға байланысты қолданылмады.
Оның кінәсі сотта шешіледі.