6 мыңнан аса бөтелке тәркіленді
Қостанай облысында алкогол өнімдерін заңсыз өндірген цех анықталды деп хабарлады Қаржылық мониторинг агенттігі.
ҚМА Қостанай облысы бойынша департаментінің қызметкерлері 7 млн теңгеден аса сомаға алкоголь өнімдерін өндірген жасырын цехтың қызметін анықтады.
Тінту барысында дайын арақ өнімдері, 6 мыңнан аса бөтелке, 200 литр спирт, қақпақтар, шлангілер, спирт өлшегіштер және тағы басқа заттар анықталып, тәркіленді, - деп жазылған хабарламада.
Тергеу жалғасып жатыр. Қылмыстық-процестік кодекстің 201-бабына сәйкес тергеу мүддесіндегі өзге ақпарат жарияланбайды.