Алматы қаласында жедел-іздестіру шарасы барысында заңгер әйелді өлтірді деген күдікпен 1971 жылы туған Н. есімді азамат ұсталды. Бұл  туралы Ішкі істер министрлігі хабарлады.

«Алматы қаласында жедел-іздестіру іс-шарасын жүргізу барысында 1971 жылы туған Н. есімді азамат ұсталды. Ол ҚР ҚПК-нің 128-бабына сәйкес уақытша ұстау изоляторына қамалды. Кісі өлтіру дерегі бойынша тергеу жалғасуда»,- делінген хабарламада.

Бұрын хабарланғандай, тергеу барысы ҚР ІІМ мен Алматы қалалық ПД басшылығының бақылауында.

Айта кетейік, бұған дейін заңгерді өлтірді деген күдікпен оның күйеуі іздестіріліп жатқанын хабарлаған болатынбыз.