Новак Джокович Астанаға келді
Сербиялық теннисші жарыстың төртінші ракеткасы болып тіркелді
фото: ашық дереккөз
Атақты теннисші, «Үлкен дулыға» турнирінің 21 дүркін чемпионы Новак Джокович Астанаға ұшып келді.
Сербиялық теннисші Astana Open ATP 500 жарысына қатысады. Ол жексенбі күні аяқталған Тель-Авив ATP 250 додасының финалында хорватиялық Марин Чиличті 6:3, 6:4 есебімен ұтып, жеңімпаз атанған еді.
Қазіргі кезде дүниежүзілік рейтингіде жетінші орында тұрған Н.Джокович Astana Open ATP 500 жарысының төртінші ракеткасы болып тіркелген.
Новак алғашқы кездесуін рейтингіде 81-сатыдағы чилилік Кристиан Гаринмен өткізеді.
