Елордада «Сатып алу құқығымен жалға берілетін тұрғын үй» бағдарламасы бойынша конкурсқа кімдердің қатыса алатыны белгілі болды, деп хабарлайды Halyq Uni.

Қалалық Тұрғын үй орталығы «Қазақстандық тұрғын үй компаниясы» АҚ желісі бойынша «Сатып алу құқығымен жалға берілетін тұрғын үй» бағдарламасы бойынша конкурсқа қатысуға өтінімдер қабылдай бастайды, деп мәлімдеді Астананың Тұрғын үй және тұрғын үй инспекциясы басқармасы.

Өтінімдер birge.astana.kz порталы арқылы электрондық түрде қабылданады. Өтінімдерді қабылдау уақыты: 2024 жылы 28 тамыз күні сағат 09:00-ден бастап, 2024 жылы 3 қыркүйек күні сағат 23:59 (қоса алғанда) дейін, – деп қосты ведомство.

Бұл бағдарламаға «Мемлекеттік қызметшілер, бюджеттік ұйымдардың қызметкерлері, әскери қызметшілер, ғарышкерлікке кандидаттар, ғарышкерлер, арнаулы мемлекеттік органдардың қызметкерлері және мемлекеттік сайланбалы лауазымдарды атқаратын адамдар» санаты бойынша бас қалада тұрғын үйге кезекте тұрған азаматтар ғана қатыса алады.

Бұған дейін «Елорда жастары» тұрғын үй бағдарламасына өтінімдер қашан қабылданатыны жайлы жазған едік.