ҚМА криптовалютаға арналған инвестициялық жобаның атын жамылған тағы бір қаржылық пирамиданы анықтады, деп хабарлады Halyq Uni тілшісі.

Агенттіктің Ұлытау облысы бойынша департаментінің мәліметінше, Жезқазған, Алматы және Астана қалаларының 4 тұрғыны «MetaGo» жобасы бойынша криптовалютаға инвестиция тарту желеуімен Жезқазған қаласының аумағында қаржы пирамидасын ұйымдастырды деген күдікке ілінген.

Алдын ала мәлімет бойынша, олар 600-ден аса адамды және 124 миллион теңгеден аса салымшылар қаражатын тартқан.

Қазір сотқа дейінгі тергеп-тексеру жүргізіліп жатыр. ҚР ҚПК 201-бабының тәртібінде өзге ақпарат жария етуге жатпайды.