Елімізде заңдардың қазақша нұсқасы түсініксіз болса, кері қайтарамыз. Бұл туралы Әділет министрі Азамат Есқараев айтты, деп хабарлады Halyq Uni тілшісі.

Ведомство басшысының айтуынша, егер заңның мемлекеттік тілдегі нұсқасы түсініксіз, сапасыз болса, оны министрліктің кері қайтаруға құзыреті бар.

Қолданыстағы заңнамада әр тілде жазылған мәтін халыққа түсінікті, қолдануға жеңіл болу керек деген талап көзделген. Егер мемлекеттік тілде олқылықтар болса, өзінің тиісті мамандары мен сарапшылары сол олқылықтарды анықтаса, ондай заң жобасын тіркеуден бас тартамыз. Демек, заңды бастамашы болған органға қайтарамыз, -  деді Азамат Есқараев.

Министр қазақ тіліндегі нұсқасының сапасыз болуына байланысты кері қайтарылған заңдардың есебі жүргізілмейтінін атап өтті. 

Бұған дейін президент мемлекеттік тілдің мәртебесін күшейту саясатын жалғастыра беретінін мәлімдеген еді.