«Түйені түгімен жұтатындардың» заманы өтті, – деді ол
Парламент Мәжілісінің депутаты Ерлан Саиров Қазақ ұлттық аграрлық зерттеу университетінің мүлкіне байланысты тексеру жүргізу керектігін айтты.
Айта кетсек, енді AMANAT партиясының жанындағы жемқорлыққа қарсы іс-қимыл кеңесі Қазақ ұлттық аграрлық зерттеу университетіне тексеру жүргізеді.
«Түйені түгімен жұтатындардың» заманы өтті. Олардың атын атап, түрін түстеп, шындықты халықтың алдына шығару керек, – деді ол.
Депутаттың айтуынша, тексеру қорытындысы бойынша тиісті органдармен бірлесіп, мүлікті қайтару жөнінде жұмыс істеледі.