Ақпарат әлеуметтік желіде тарады
Елімізде жаңа «9-20-25» тұрғын үй бағдарламасы іске қосылады деген мәліметке «Бәйтерек» холдингі мен Отбасы банкі түсінік берді, деп хабарлады Halyq Uni тілшісі.
Кеше Instagram-дағы dauletten парақшасында жаңа ипотекалық бағдарламаны іске қосатыны хабарланды.
«Бәйтерек» холдингі Отбасы банк жақында «9-20-25» бағдарламасын іске қосады, - деп жазылған хабарламада.
Алайда жаңа бағдарламаға «жауапты» мекемелер бұл мәліметті жоққа шығарды.
«Бәйтерек» бұл ақпаратты растамайды, - деп жауабын қысқа қайырды холдингтің баспасөз қызметі.
Отбасы банкі мәліметті растамайды әрі банкте мұндай бағдарлама жоқ екенін хабарлайды, - деді Отбасы банкінің баспасөз қызметі.
Бұған дейін «7-20-25» бағдарламасы төңірегіндегі туындаған жемқорлық дауына Қаржы нарығын реттеу және дамыту агенттігі жауап берген еді.