Қызылорда қаласында халықаралық іздеуде жүрген күдікті қолға түсті, деп хабарлайды Halyq Uni тілшісі.

Айта кетсек, Қызылорда облысының полиция департаменті ұйымдасқан қылмысқа күрес басқармасының қызметкерлері кеше жедел-іздестіру жұмыстарын жүргізген болатын. Аталған шара барысында ҚР Қылмыстық кодексінің 99-бабы 2-бөлігінің 11-тармағымен күдікке ілінген қызылордалық тұрғын қолға түсті.

Ол 2021 жылдан бері тергеуден бой тасалап, халықаралық іздеуде жүрген еді. Оған қатысты күзетпен ұстау түріндегі бұлтартпау шарасы санкцияланған. Жедел уәкілдер күдіктіні қала аумағындағы жалдамалы пәтердің бірінде жасырынып жатқан жерінен ұстады. Ол Қызылорда қалалық полиция басқармасы уақытша ұстау изоляторына қамауға алынды, - деп мәлімдеді етті Қызылорда облыстық полиция басқармасынан.

Еске сала кетсек, бұған дейін Ресей азаматының қылмыс жасап, 12 жыл бойы Қазақстанда жасырынғаны туралы хабарлаған болатынбыз.