Олардың белсенділігі төмен
Семейде тұрғындар мен кәсіпкерлер сенбілікке шықпай жатыр, деп хабарлайды Абай облысы әкімдігінің баспасөз қызметі.
Осыған дейін 200-ден аса өнеркәсіп кәсіпорын, шағын және орта бизнес өкілдеріне, білім беру, медицина мекемелеріне, ПИК-ке хабарлама жіберіліп, түсіндіру жұмыстары жүргізілді. Алайда тұрғындар мен бизнесмендер белсенділік танытпады, - деп жазылған хабарламада.
Сенбілікте Шәкәрім даңғылы, Бозтаев, Селевин, Абай, Қаржаубайұлы көшелеріндегі қоқыстарды тазалау және ағаштарды әктеу жұмыстары жүргізілді. Оған 650 адам мен 19 арнайы техника жұмылдырылды.
Сондай-ақ «ВостокСтройгрупп» құрылыс компаниясы рұқсат етілмеген жерде тасталған қоқысты шығару үшін техника ұсынды, бұл жұмыс ПИК-пен бірлесіп жүргізіліп жатыр.
Кеше «Теплокоммунэнерго» МКК, «Ет комбинатынан» МАИ бекетіне дейінгі аумақты тазаланған.