Cолтүстік Қазақстан облысында тасқыннан бүлінген 1 мыңнан аса үй жөнделіп жатыр, деп хабарлады Өнеркәсіп және құрылыс министрлігі.

Қызылжар ауданында табиғи апаттан зардап шеккен 154 үй жаңадан салынып жатыр. Сондай-ақ тасқыннан бүлінген 1 мың 99 үй жөнделуде. Оның ішінде 252 үйді жөнделді.

Сонымен қатар тасқыннан зардап шеккен ауыл тұрғындары үшін үйлер сатып алынуда. Бүгінгі таңда Қызылжар ауданында барлығы 40 үй сатып алынды.

Өнеркәсіп және құрылыс министрлігі Ахуалдық орталығының мәліметінше, Солтүстік Қазақстан облында барлығы 3 993 объектіге техникалық тексеру жүргізілді. Ол бойынша келесі шаралар жоспарланған:

• 700 үйді салу. Бүгінде 100 үйдің құрылысы аяқталды;
• 1 329 үй сатып алынды, Қазіргі таңда 564 үй сатып алынды;
• 1 964 үй жөнделіп жатыр. Оның 74-і жөнделді.

Бұған дейін мемлекет басшысы Қазақстанда болған су тасқыны ғаламдық жылыну процесімен тікелей байланысты екенін мәлімдеген еді.