Қазақстан құрамасы Балқан математика олимпиадасында 100% нәтиже көрсетті
Білім сайысына қатысқан барлық қазақстандық оқушы жүлдемен оралды
![](https://halyq-uni.kz/cache/imagine/1200/uploads/news/2024/06/29/667ffdb9a29ed151714227.jpg)
Қазақстан құрамасы JBMO Балқан математика олимпиадасында 100% нәтиже көрсетті, деп хабарлайды Halyq Uni тілшісі.
Математикадан JBMO 2024 Балқан Халықаралық жасөспірімдер олимпиадасында еліміздің барлық алты оқушысы жүлделі орындарға ие болып, 100 пайыздық нәтиже көрсетті, деп мәлімдеді Оқу-ағарту министрлігінің баспасөз қызметі «Дарын» РҒПО-на сілтеме жасап.
Олимпиада 25-29 маусым аралығында Түркияның Анталия қаласында Балқан түбегінің 22 елінен келген 135 оқушы арасында өтті. Қазақстан қонақ ретінде қатысты.
Біздің мектеп оқушылары алты медаль жеңіп алды:
- Алиасқар Сұлтанәлі — Астана қаласындағы дарынды ұлдарға арналған «Білім-Инновация» лицей-интернатының 8-сынып оқушысы;
- Әли Еркебұланұлы — Алматы қаласындағы ФМБ НЗМ 9-сынып оқушысы;
- Бердібек Орынбасар — Атырау облыстық №1 «Білім-Инновация» лицей-интернатының 9 сынып оқушысы;
- Арнұр Ансатов — Қызылорда облыстық №9 дарынды балаларға арналған «Білім-Инновация» лицей-интернатының 9-сынып оқушысы;
- Эрик Лим — Алматы қаласындағы РФММ 9-сынып оқушысы;
- Асқар Мұхтарұлы — Қызылорда облыстық №9 дарынды балаларға арналған «Білім-Инновация» лицей-интернатының 9-сынып оқушысы.
Құрама команданың жетекшісі: Антон Васильев — ф.-м.ғ.к., М.В.Ломоносов атындағы ММУ Қазақстандық филиалының іргелі және қолданбалы математика кафедрасының доценті.
Қосшы мектебінің түлегі ҰБТ-дан ең жоғары 140 балл жинады. ҰБТ-да 138 балл жинаған Айдос Қожанов көпбалалы отбасыдан шыққан.